Құқық және Экономика институты (ҚазҰПУ)

Құқық және Экономика институты- Абай атындағы Қазақ ұлттық педагогикалық университетінің ең беделді факультеті. Институтта 7 кафедра бар. Бүгінгі таңда институтта несие жүйесі негізінде бакалавриат бағдарламасы бойынша мамандар дайындайды. Институтта студенттерге білім беру, күндізгі және сырттай оқыту түрінде жүргізіледі. Институт құқықтану саласынан мамандар дайындап, мемлекеттік басқару органдарына, сот және құқық қорғау органдарына, әділет ұйымдарымен кәсіпкерлік жүйелерге заң қызметкерлеріне мұқтажды мәселесін шешіп қанағаттандырады. Сонымен қатар, халықаралық құқық саласы бойынша жоғары білімді мамандар дайындап шығаруда. Институт студенттері білімге деген ынтасымен ғана шектелмей, институттың, университеттің, Алматы қаласының, тіпті мемлекетіміздің қоғамдық-саяси өміріне араласып, белсенділік танытуда. Экономика және құқық кафедрасының негізінде 1992 жылы 22-қарашада Абай атындағы Қазақ Ұлттық педагогикалық университетінің ректоры Т.С.Садықовтың бұйрығымен халықаралық қатынастар және құқықтану факультеті құрылды.

Факультеттің бірінші деканы ҚР ҰҒА академигі профессор Г.С.Сапаргалиев болды. Одан кейінгі жылдары факультетке заң ғылымдарының докторлары, профессор Р.Т.Нұртаев, профессор М.С.Бейбітов, педагогика ғылымдарының докторы, профессор К.Н.Бұрханов, заң ғылымдарының докторы, профессор Б.Х.Төлеубекова, саяси ғылымдарының докторы, профессор Ә.М.Жүнісов жетекшілік етті. Қазіргі уақытта құқық және экономика институтын заң ғылымдарының кандидаты, доцент Т.Т.Балашов басқаруда

Құқық және экономика институтының директоры Балашов Т.Т.

Институт келесі мамандықтар бойынша мамандар дайындайды: 1. 5В030100 - Құқықтану 2. 5В030200 - Халықаралық құқық 3. 5В050600 - Экономика 4. 5В050900 - Қаржы 5. 5В050700 - Менеджмент 6. 5В050800 - Есеп және аудит 7. 5В051100 - Маркетинг 8. 5В051000 - Мемлекеттік және жергілікті басқару

Институтта келесі бөлімдер мен лабораториялар қызмет етуде: 1. Криминалистикалық полигон 2. Криминалистикалық тактика және әдістеме кабинеті 3. Криминалистикалық техника кабинеті 4. Кәсіби тәжірибе кабинеті 5. Сот мәжіліс залы 6. Лингофон кабинеті 7. Компьютерлік кластар 8. Оқу залы 9. Студенттер асханасы

Кафедралар тізіміӨңдеу

  1. Мемлекет және құқық теориясы мен конституциялық құқық кафедрасы - 1992 жылы құрылды. Кафедраны құруға атсалысқан, осы кафедраның тұңғыш меңгерушісі ҚР ҰҒА академигі, заң ғылымдарының докторы, профессор Ғ.С.Сапарғалиев болды. Кафедра құрылған мерзімде университтің ректоры қызметін тарих ғылымдарының докторы, профессор Т.С.Садықов атқарған еді.

Кафедраға әр жылдары атақты ғалым-заңгерлер: ҚР ҰҒА академиктері Ғ.С.Сапарғалиев, С.Н.Сабикенов, заң ғылымдарының докторлары, профессорлар С.Ф.Ударцев, Ж.Д.Бусурмановтар жетекшілік етті. Ал қазіргі таңда «Мемлекет және құқық теориясы мен конституциялық құқық» кафедрасының меңгерушісі қызметін заң ғылымдарының докторы, профессор Э.Э.Дуйсенов атқаруда. Кафедраның құрамында 20 оқытушы қызмет атқаруда. Оның ішінде 3-ғылым докторы, 3 - доцент, 2- ғылым кандидаттары, профессорлар, 9 - ғылым кандидаттары, 3 аға оқытушылар құрайды. 2011/2012 оқу жылында кафедра жаңа ғылым докторларымен және ғылым кандидаттарымен толықты. Атап айтсақ, 2012 жылдың қаңтарында доцент А.Ф.Сулейманов заң ғылымдары докторы ғылыми атағын алса, аға оқытушы Дулатов Ғ.С. заң ғылымдарының кандидаты атағына ие болды. Үстіміздегі жылдың қаңтар айында аға оқытушы Копбаева Л.Ш. кандидаттық диссертациясын сәтті қорғап шықты. Қорыта келгенде, кафедра мүшелері ғылымға өздерінің үлестерін үздіксіз қосып келеді.

  1. Азаматтық құқықтық пәндер кафедрасы
  2. Қылмыстық құқықтық пәндер кафедрасы
  3. Халықаралық құқық кафедрасы- «Халықаралық құқық» мамандығы бойынша мамандарды дайындайтын «Халықаралық құқық» кафедрасы халықаралық қатынастар факультетімен бірге 1993 жылы құрылып, қазіргі таңда Құқық және экономика институтында 5В030200-халықаралық құқық мамандығы бойынша шет тілдерін меңгерген халықаралық құқық саласының мамандарын әзірлейді.

Кафедраның профессор-оқытушылар құрамы Кафедрада 2007ж. Оксфордта (Ұлыбританияда) Сократ атындағы халықаралық жүлдеге ие болған ҚР ҰҒА академигі, з.ғ.д., профессор Сабикенов С.Н.; Қазақстан Республикасының жас және дарынды ғалым Мемлекеттік стипендиясының лауреаты, «Жылдың үздік оқытушысы» грантының иегері, Ресей халықаралық құқық Ассоциациясының мүшесі, з.ғ.к., доцент Сабитова А.А. сияқты халықаралық құқық саласындағы біліктілігі жоғары мамандар, Қазақстанның көрнекті ғалымдары дәріс оқиды. Кафедрада әлемнің үздік жоғары оқу орындарында шетелдік тағылымдамадан өткен жоғары білікті мамандар, сондай-ақ ҚР Президенті Н.Ә.Назарбаевтың халықаралық «Болашақ» стипендиясының иегерлері лекциялар оқиды. Халықаралық құқық мамандығының студенттері үшін лекциялар оқуға Германия, Франция, Польша, Ресей, Әзірбайжан және Украинадан шетелдік профессорлар шақыртылады. Кафедра профессор-оқытушылар құрамымен көптеген шетелдік университеттермен халықаралық байланыстар орнатылған: М.В.Ломоносов атындағы ММУ (Ресей), Кембридж Университеті, Оксфорд Университеті (Ұлыбритания), Карл - Эберхард атындағы Тюбинген Университеті (Германия), Сантьяго де Компастела университеті (Испания), Пекин университеті (Қытай). Кафедра оқытушыларының барлығы жыл сайын ТМД мемлекеттерінде, соның ішінде Ресейде, сондай-ақ алыс шетел мемлекеттерінде: Ұлыбритания, Испания, Германия, АҚШ, Қытай, Түркия және т.б. ғылыми тағылымдама өтеді. Халықаралық құқық мамандығы бойынша Oxford University, Cambridge University, Bornemoot University (Ұлыбритания); Ханьшан педагогикалық институты (ҚХР); Каир университеті (Египет); Legacy International (АҚШ) сияқты шетелдік жоғары оқу орындарымен екіжақты шарттар бар. Біздің бөлімнің үздік студенттері жыл сайын университет қаржысы есебінен әлемнің жетекші университеттеріне оқуға жіберіледі. Кафедра дайындайтын мамандықтар мен оқытылатын пәндер «Халықаралық құқық» мамандығын сипаттайтын негізгі пәндер мыналар болып табылады: Халықаралық жария құқық, Халықаралық жеке құқық, Салыстырмалы конституциялық құқық, Қоршаған ортаны халықаралық қорғау, Халықаралық сауда құқығы, Дипломатиялық және консулдық құқық, Еуропалық құқық, Халықаралық ұйымдар құқығы, Халықаралық шарттар құқығы, Халықаралық арбитраж және процесс, Халықаралық адам құқығын қорғау, Шет ел азаматтарының құқықтық мәртебесі және т.б. «Халықаралық құқық» мамандығының студенттеріне таңдауы бойынша лингофондық кабинеттерде үш шет тілін (1 шығыс тілін, 2 батыс тілін) меңгеру, Internet ғаламдық жүйесін еркін пайдалану мүмкіндігі ұсынылады. Біздің бөлімде студенттер білім ала отырып, ең алдымен, ТМД елдері мен алыс шет елдерде мойындалатын толыққанды жоғары білімге, екіншіден, ұлттық және халықаралық заңнамаларда еркін бағдар алу, үшіншіден, үш шет тілін меңгеру, төртіншіден, сот және заң саласында іс жүргізу жұмыстарын білу, сонымен қатар, мамандықты аяқтағаннан кейін ғылыми жұмыспен айналысу мүмкіндігін береді. Халықаралық құқық мамандығының студенттері халықаралық ғылыми-тәжірибелік конференцияларға, сондай-ақ университетарлық және республикалық олимпиадалар мен жарыстарға белсенді қатысып, жиі олардың лауреаттары болуда. Оқу үрдісі интерактивті-инновациялық әдіс-тәсілдерді түрліше қолдануымен, жоғары ғылыми деңгеймен және ғылыми-әдістемелік әдебиеттердің қамтамасыз етілуімен сипатталады. Студенттер Абай атындағы ҚазҰПУ-дың әскери кафедрасында әскери дайындықтан өтеді. Әскери кафедра профессор-оқытушылар құрамымен, қажетті қару-жарақпен, әскери техникамен, әскери-техникалық мүліктермен және қажетті сыныптық зертханалық базамен толығымен жасақталынған. Бұлар біліктілігі жоғары Отан қорғаушыларын дайындауға кең мүмкіндік береді. Бізде маманданатын студенттер жыл сайын университет қаржысы есебінен Үндістан Ұлттық кадет корпусында әскери дайындықтан өтеді. Студенттер ҚР Сыртқы Істер Министрлігінің түрлі департаменттерінде, халықаралық ұйымдардың өкілеттіліктерінде (БҰҰ, Интерпол, ЕҚЫҰ және т.б.), ҚР-да аккредитацияланған шет мемлекеттердің елшіліктерінде, ішкі істер органдарында (прокуратура, сот, ІІББ, АІІБ және т.б.) оқу және өндірістік практикасын өтеді.

  1. Маркетинг және менеджмент кафедрасы
  2. Есеп және аудит кафедрасы- жетекші кафедралардың бірі. Ол 050509- «Қаржы» мамандығы бойынша студенттерді шығаратын «Банк ісін жүргізу» кафедрасы 15 қараша 1993ж құрылды. 1999ж кафедра «Есеп, аудит және банк ісі» атын өзгертті және студенттерді 050509 «Қаржы» мен 050508 «Есеп және аудит» мамандығы бойынша дайындады. 2005 жылы кафедра «Есеп аудит және қаржы нарығы индикаторларын» атын ауыстырды және тек қана 050508 «Есеп және аудит» бойынша студенттерді дайындауымен маманданды. 2008 жылы «Есеп және аудит» мамандығы бойынша магистратура ашылды және оларға өз үлестерін академик НАН РК Нарибаев К.Н, э.ғ.д Айманова Л.Б. және т.б. қосты.

Кафедра түлектері магистратураның күндізгі бөлімінде өз білімдерін жалғастыруға мүмкіндіктері бар. Кафедра құрылғаннан бері кафедра меңгерушісі ұзақ уақыт бойы (1994-2009ж.ж.) экономика ғылымының докторы профессор Айманова Лязат Бисеновна болды. Қазіргі кезде кафедра меңгерушісі Ресей Жаратылыстану Академиясының корреспондент - мүшесі э.ғ.д. профессор Иманбердиев Б.Д. Кафедраның қалыптасуына және дамуына үлес қосқан келесі оқытушылар: э.ғ.к.доцент Оралбаева Ж.З., э.ғ.к. Телагусова Э.О. аға оқытушылар Туебекова Ш.Ж., Сапарбаева А.М., Джакишева У.К., Файзуллина С.А. Кафедра «Эконометрикалық модельдеу негізінде экономиканы динамикалық басқару» атты тақырыпта ғылыми жұмыс Қ.Р. МО және НРК зерттеу негізінде жүргізіледі. ҚР МО және Н бекітілген ҚР МОН экономикалық негізгі жобалардың координаторы э.ғ.д. профессор Иманбердиев Б.Д. болып табылады. Кафедраның барлық оқытушылары Қазақстанның бухгалтерлік есебін дамытудағы ЮСАИД жоба негізінде квалификациясын жоғарылатудан өтті және мемлекеттік пен шетелдік университеттердің сертификаттары бар. Кафедра оқытушылары үнемі квалификациясын жоғарлату курстарынан өтеді, әрдайым өздерінің мақалаларын, ғылыми жұмыстарын әдіснамалық манографиялары жарияланды. Кафедрада күндізгі және сырттай бөлімдері оқытылады: 3-ші және 4-ші курс студенттері өндірістік практикаларын аудиторлық компанияларда, салық инспекцияларында, банктерде, сақтандыру және инвестициялық компанияларда өздерінің мамандығы бойынша практикалық білім алады. Практика жүру барысында болашақ жас мамандар көбісі болашақ жұмыс берушілерді табады және алдағы бағыттарын таңдауымен маманданады. Кафедра интернектке шығу мүмкіндігі бар компьютер класстары бар және материалдық - техникалық базаны дамытуда өз үлестерін қосуда. Оқу процесі толық оқу - әдіснамалық әдебиеттермен қамтамасыз етілген: курстық жұмыстардың програмалық және әдіснамалық нұсқаулар, бақылаулар, барлық тәртіптер бойынша практикалық пен зертханалық жұмыс, өндірістік және диплом алдындағы практика жүргізу сонымен қатар дипломдық жұмыстың орындалуын. Оқу әдіснамалық әдебиеттер әрдайым қайта қаралып және толықтырылып отырады. Кафедра жоғары квалификацияланған профессорлық -оқушылық құрамы штаттық және келісімшарт негізімен құрылған. Кафедра оқытушылардың 70 % -дан көбі ғылымдық дәрежелері бар. Олардың екеуі ҚР НАН академиктері. Халықаралық Кембридж центірі академик Нарибаевты ғылым және білім санасында үлкен қосқан үшін «Жыл адамы» 2000ж, 500 дүние жүзіндегі кәсіпкерліктер ішінде «XXI ғасырдың негізін қалаушысы» 2001ж. деп таныды.

  1. Қаржы кафедрасы -1995 жылдан қызмет етуде және қазіргі таңда «5В050900 - Қаржы» мамандығы бойынша мамандар дайындауда.

Түлектер біліктілігі - қаржы бакалавры. Қаржыгерлерді дайындаудың күндізгі түрі бойынша білім берудің негізгі бағдарламасын меңгерудің нормативті мерзімі - 4 жыл. Қаржы саласында бакалаврларды дайындау мақсаты - студенттерге салық және салық салу, кәсіпорын қаржысын басқару, сақтандыру және банк жүйелері қызметінде біліктілігі жоғары студенттер дайындау. Бітіруші түлектер банкте, сақтандыру компанияларында, инвестициялық қорларда, кәсіпорынның экономикалық қызметінде және ұйымдарда, сондай-ақ меншіктің барлық формаларында жұмыс істеуге кәсіби дайын болулары керек.

«Қаржы» мамандығы мемлекеттік қаржы саласында, банктік және сақтандыру қызметінде, ақша айналымында, қаржылық менеджментте, құнды қағаздар нарығында, салық және салық салу саласында кешенді білім беруге бағытталған.  Мамандық бюжеттің орындалуы мен қалыптасу процесін оқытуға, мемлекеттік қарызды басқару механизмін; кәсіпорынның ақша айналымын басқару мен ұйымдастыруға, шаруашылық субъектілерінің инвестициялық қызметін; кәсіпорындар мен ұйымдардың қаржыларын басқарудың ерекшеліктерін; банктік және сақтандыру қызметін басқаруға оқытады.

«Қаржы» кафедрасының басты мақсаты Қазақстанның қазіргі жағдайын ескере отырып, нарықтық экономика жағдайында Қазақстанның қаржылық - банктік жүйесінде тиімді жұмыс істейтін жоғары кәсіби мамандарды дайындау болып табылады. 2011 жылдың қорытындысы бойынша «Қаржы» кафедрасы институттың «Ең үздік кафедрасы» болып танылды.«Қаржы» кафедрасы жоғары деңгейдегі кадрларға ие, ғылыми дәрежесі мен атағы - 66,6%