Әділ Дүйсенбек

Әділ Дүйсенбек - қазақстандық жазушы жəне редактор.

Əділ Дүйсенбек
Туған күні	24 мамыр 1942 (1942-05-24) (81 жас)
Туған жері	Жас өркен ауылы, Жамбыл облысы, Қазақ КСР
Азаматтығы	Қазақстан  КСРО (1942-1991)
Ұлты	қазақ
Мансабы	редактор
Шығармашылық жылдары	1977 - қазіргі уақытқа шейін
Шығармалардың тілі	қазақша
Марапаттары	С.Ходжанов атындағы сыйлық лауреаты ҚР Жоғарғы Кеңесінің Грамотасы «Еңбек ардагері» медалі

Өмірбаяны

Арғын тайпасының Тарақты руынан шыққан.

1942 жылы 24 мамырда Жамбыл (қазіргі Тараз) қаласының жанындағы «Жас өркен» ауылында туған.

1961 жылы Қазақ мемлекеттік университетінің филология факультетіне түсті.

1964—1967 жылдары әскер қатарында болып, әуе десантында қызмет етті. Әскери міндетін өтеп келген соң, университеттегі оқуын одан әрі жалғастырып, 1969 жылы бітіріп шықты.

Университеттің соңғы курсында жүріп республикалық «Социалистік Қазақстан» (қазіргі «Егемен Қазақстан») газетіне кіші әдеби қызметкер болып орналасты. Содан бері үзіліссіз осы басылымда еңбек етті. Бөлім меңгерушісі, редакция алқасының мүшесі болған. Қазір Қазақстан Республикасы Президентінің Баспасөз қызметінде редактор болып қызмет етеді.

Шығармашылығы

Әңгімелері мен повестері бірнеше ұжымдық жинаққа енген. Баспадан

• «Ақ күмбез» («Жалын» 1977),
• «Көкжиек» («Жалын», 1979),
• « Жүрек жылуы » (« Қазақстан », 1984),
• «Тергеу әлі біткен жоқ» («Жеті жарғы», 1997),
• «Көкжиек» («Фолиант», 2002),
• «Қара шаңырақ» («Фолиант», 2004),
• «Шерағамның шеруі» («Қазығұрт», 2007) деген кітаптары басылып шықты. 2002 және 2004 жылдары «Менің Шерагам» атты эссе-әңгімелер мен новеллалар жинағы («Өлке») шықты.

Жетістіктері

С.Ходжанов атындағы сыйлықтың лауреаты (1995). Елге сіңірген еңбегі үшін жазушы ҚР Жоғарғы Кеңесінің Грамотасымен (1987), «Еңбек ардагері (1988), «Қазақстан Республикасының Тәуелсіздігіне 10 жыл» (2002), «Ерен еңбегі үшін» (2002) медальдарымен марапатталған.