Әділ Махаметұлы Жамбакиев

Әділ Махаметұлы Жамбакиев 1970 жылы 1 қыркүйекте Алматы қаласында туған. Ұйғыр. Әкесі - Жамбакиев Махамет Бағапұлы, зейнеткер. Анасы - Жамбакиева Гүлбахрам Аутқызы, зейнеткер. Құрманғазы атындағы Қазақ ұлттық консерваториясының скрипка кафедрасын бітірген (1994). 100-ден астам әндердің авторы, олардың ішіндегі ең белгілілері: «Дорога к дому», «Ходжа Насреддин», «Наргиз», «Золотой», «Ноябрь», «До свидания», «Абдулла» және басқалар. Орыс, ағылшын, түрік және болгар тілдерін біледі. 1993 жылдан - «АР Клуб» тобының ұйымдастырушысы, продюсері, мүшесі, негізгі композиторы және әрлеушісі. 1997 жылдан - Нұрлан Абдуллин, Лана тәрізді әртістердің, «Бублики» тобының продюсері, негізгі композиторы және әрлеушісі. 1999 жылдан - «Дервиши» тобының ұйымдастырушысы, продюсері және мүшесі. 1999 жылдары - «Ala Music Enterprises» продюсерліккомпаниясыныңбасдиректоры. 2001-2003 жылдары - «ART Centre management» продюсерлік компаниясының бас продюсері. 2001-2005 жылдары - әнші Ділназ Ахмадиеваның продюсері, композиторы. 2003 жылдан бері - «Семь нот» баспа үйінің вице-президенті, «NOX Kazakhstan» компаниясының бас продюсері. 2007 жылдан бері - Қ. Қожамияров атындағы Мемлекеттік республикалық ұйғыр музыкалық комедия театрының директоры. Діни көзқарасы - мұсылман. Саяси қайраткер ретіндегі идеалы - Соломон патша. Қазақстанның болашағы туралы болжамы -«Демократиялық зайырлы мемлекет». Хоббиі - парашют спорты, дайвинг, үлкен теннис. Сүйіп оқитын әдебиеті - П. Зюскинд, Л. Фейхтвангер. Үйленген. Жұбайы - Жамбакиева Татьяна Талғатқызы (1979 жылы туған), «АККО» компаниясының сауда жөніндегі менеджері. Қызы - Жамбакиева Амал (2005 жылы туған); ұлы - Жамбакиев Кемәл (2009 жылы туған).[1]

Дереккөздер өңдеу

  1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2