Әйімбетов Кәрібоз

Әйімбетов Кәрібоз (1892, қазіргі Арал ауданы Аманөткел ауыл) – суырыпсалма ақын. Оны жастайынан өлең-жырға әкесі Әйімбет баулыған. Ақынның есімі Қарақалпақ еліне кеңінен мәлім болған. Кезінде Нұртуған Кенжеғұлұлы: «Жас шайыр да Кәрібоз, Талшыбықтай бұралып, Ойланбастан сөз айтқан», – деп жырлаған екен. 1936 жылы республика ақын-жазушыларының 2-слетіне қатысқан. 1937 жылы қуғын-сүргінге ұшыраған. Әйімбетовтің шығармаларынан «Қырық мақтау» атты өлеңі ғана сақталған.

Дереккөздер өңдеу

“Қазақ Энциклопедиясы”,