Әленұлы Шәрелхан

Әленұлы Шәрелхан (1942, Форт-Шевченко қаласы – 2003, Ақтау қаласы) – педагог, ақын. Гурьевпедогогикалық институтын (қазіргі Атырау университеті) бітірген (1969). 1959 – 64 ж. Шевченко орта мектебінде мұғалім, 1964 – 94 ж. Жетібай, Қарақия, Қарақұдық мектептерінде мұғалім, директордың орынбасары, директор, аудандық білім беру бөлімінің әдістемелік кабинет меңгерушісі[1], 1995 – 99 ж. облыстық мұғалімдердің білімін жетілдіру институтының этнопедагогика зертханасының меңгерушісі болды. 1992 ж. оқушыларға халықтық педагогикамен оқу-тәрбие беретін Әленұлының атаулы (авторлық) мектебі құрылды. Атаулы мектеп республикалық тұңғыш рет балабақша, мектеп оқушыларын халықтық және ғылым педагогика негіздерін ұштастыра отырып тәрбиелеудің үлгі бағдарламасын жасап, облыстық мектептерінің тәрбие жұмысын бір жүйеге салды. Оның «Әдеп және жантану» пәніне жасаған бағдарламасы мен хрестомат. жинағы облыстық мектептеріне таратылды[2]. «Жас ұрпақты халықтық педагогика тағылымдарында тәрбиелеу» (1991), «Ата дәстүр», «Әдеп» (хрестоматия, 1993), «Асыл мұра» (1995), «Ержан қазірет» (1998), «Мұра – мұрат тәрбиелеу ісі» (2000) кітаптарының, «Халықтық тәрбие тағылымдары» (1998), «педагогика» (2000) оқу құралдарының авторы. «Ерен еңбегі үшін» (1995) медалімен, ҚР «Білім беру ісінің үздігі» (1973). Қазақ КСР-і Білім министрлігінің мақтау грамотасымен марапатталған.[3]

Дереккөздер өңдеу

  1. «Қазақ Совет энциклопедиясы» (12 томдық), Алматы, 1972 – 1978;
  2. «Қазақ әдебиеті» энциклопедиясы, Алматы, 2001;
  3. «Маңғыстау» энциклопедиясына, Компьютерлік-баспа орталығы, 2007