Әлішев Әлмәмбет

Әлішев Әлмәмбет (14.04.1939 жылы туған, Қызылорда облысы, Қазалы ауданы, Аранды ауылы) - жазушы. ҚазҰУ-ды бітірген (1966). Газет редакцияларында, аудандық партия комитетінде қызмет атқарған. 1992 жылдан аудандық газет редакторы, баспа редакторы болып жұмыс істеген. 1957 жылдан өлең, әңгіме, очерктері баспасөз беттеріне жариялана бастады. Оның әр жанрда біраз кітаптары шықты. "Батыр болып тумайды" повесі латыш тіліне аударылған.

Жетістіктері

"Құрмет белгісі" орденімен, Қазақстан Жоғары Кеңесінің грамотасымен марапатталган.

Шығармалар

• Ұрмаш Түктібаев. Очерк. 1969;
• Батыр болып тумайды. Повесть.1970;
• Ат тұяғын тай басар. Повесть. 1975;
• Ел мен жер. Роман. 1978;
• Қаратау өрнектері. Өлеңдер мен поэмалар. 1980;
• Бәйтеректің бутағы. Повестер.1981;
• Замана екпіні. Роман. 1982;
• Музыкальная душа. Повесть, рассказы. 1984;
• Арал тағдыры, 1988;
• Жүректегі жауһарлар, 2001.