Өтеген Орапбаев

Өтеген Орапбаев - 1952 жылы 1 қыркүйекте Атырау облысының Жылыой ауданындағы Ақкиізтоғай ауылында дүниеге келген.

1974 жылы Қазақ мемлекеттік университетінің филология факультетін бітіріп, 1974—1976 жж. Маңғыстау облысының Телерадио комитеті мен облыстық газетінде тілші болып істеген. 1976 — 1990 жж. «Лениншіл жас» («Жас Алаш»), 1990-1993 жж. республикалық «Ауыл» және «Егемен Қазақстан» газеттерінің редакцияларында бөлім меңгерушісі, жауапты хатшы және бас редактордың орынбасары қызметтерін атқарған. 1994 жылы Қазақстан Республикасы Жоғарғы Кеңесінің депутаты болып сайланған, Қазақстан Республикасы Президенті Баспасөз қызметінің кеңесшісі болды. Қазір ҚР Президенті Әкімшілігінде жауапты қызметте.

Республикалық бірінші «Жігер» фестивалінің (1978), жас ақындардың Бүкілодақтық поэзия байқауының және Қазақстан Журналистер одағы сыйлығының лауреаты.

Шығармалары: Тұңғыш өлеңдер жинағы. 1978; Мәңгілік қозғалыс. Өлеңдер. 1980; Жұлдызды шақ. Өлеңдер. 1982; Дүние дидары. Өлеңдер. 1985; Ақ пен қара. Өлеңдер. 1988; Жолға шықты жүре гім. Деректі проза. 1993; Аспаны биік Атажұрт. Бір томдық өлеңдер жинағы. 2001.