Astana Flor Expo-2011 II Халықаралық гүлдер және ландшафтық дизайн көрмесі

Astana Flor Expo-2011 II Халықаралық гүлдер және ландшафтық дизайн көрмесі – 27-29 сәуір аралығында Астаналық көрме орталығында өткен көрме. Бұл халықаралық көрмені «АстанаЭкспо КС», «ГринЭкспо», Мәскеу қаласынан келген «Цветы экспо» компаниялары ұйымдастырды. Көрме ҚР Ауыл шаруашылығы министрлігінің және ҚР құрылыс және тұрғын үй коммуналдық шаруашылық істер жөніндегі агенттіктің, сонымен қатар Астана қаласының Әкімдігінің қолдауымен өтті. Көрмеге Қазақстаннан, Германиядан, Кениядан, Колумбиядан, Голландиядан, Ресейден, Түркиядан және Эквадордан 60-тан аса ірі компаниялар қатысты. Мұнда екі ұлттық стенд ұсынылды, бірі «Колумбия – гүлдер елі», екіншісі, Германияның ұлттық стенді.