Сарлытаң
Сарлытаң, Сырлытам – Марқакөл көлінің шығысындағы тау.
| Сарлытаң | |
| Сипаттамасы | |
|---|---|
| Пайда болған кезеңі | |
| Ұзындығы |
34 км |
| Ені |
15 км |
| Биіктігі |
2537 м |
| Орналасуы | |
|
48°45′05″ с. е. 86°15′25″ ш. б. / 48.75139° с. е. 86.25694° ш. б. (G) (O) (Я)Координаттар: 48°45′05″ с. е. 86°15′25″ ш. б. / 48.75139° с. е. 86.25694° ш. б. (G) (O) (Я) | |
| Елдер | |
|
| |
|
| |
Географиялық орны
өңдеуШығыс Қазақстан облысы Күршім ауданы Ақжайлау ауылының солтүстік-шығысында 21 км жерде орналасқан.
Жер бедері
өңдеуАбсолюттік биіктігі 2537 м. Солтүстік-батыстан оңтүстік-шығысқа қарай 34 км-ге созылған, енді жері 14–15 км шамасында. Төбесінен суайрығы айқын байқалатын тау массиві. Беткейі тік, бірнеше жотадан, шатқалдан тұрады. Батысынан Белезек, оңтүстігінен Бұғымүйіз, шығысынан Қаба өзендері таудың биік белдеулеріндегі қар, мұздықтарынан бастау алады. Шығыс бөлігінде жақпартастардың мол үйінділері кездеседі. Солтүстігіндегі Алтай тау жүйесін Қарақаба өзенінің аңғары бөліп жатыр.
Геологиялық құрылымы
өңдеуТөменгі жəне орта девонның қышқыл шөгінділерінен, жоғарғы девонның габродиоритті шөгінді жыныстарынан түзілген.
Өсімдігі
өңдеуБеткейлерінің 2200 м-ге дейінгі бөлігінде жəне өзен аңғарларында балқарағай, самырсын, шырша, қайың, т.б. қалың тоғай өседі. Жоғарғы субальпілік жəне альпілік белдеуін шалғынды шөптесіндер көмкерген.[1]
Дереккөздер
өңдеу- ↑ Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5