Саяси көңіл-күй
Саяси көңіл-күй - тұрғындар өмір сүріп отырған саяси тәртіп шеңберіндегі өздерінің талап-тілектеріне қанағаттану деңгейін эмоциялық-сезімдік бағалау. Саяси көңіл-күй сыртқы жағдайларға және субъектінің өзінің жағдайына тәуелді. Саяси көңіл-күйдің құрылымдық бөліктері: санасыз сезіну мен эмоциялар, күтушілік сезімі, билікке өзінің ықпал ету мүмкіндіктерін бағалау.
Саяси көңіл-күйді билікке идеалды талаптар қоюшы және шынайы қалыптасушы психологиялық жағдай ретіндегі саяси көңіл-күй ретінде бағалауға болады. Саяси көңіл-күй белгілі бір циклдар шеңберінде дамиды: пайда болуы, бүрылысы, көтерілуі және қайта оралуы. Саяси көңіл-күйдің пайда болуы кезеңінде адамдар өздерінің наразылықтарын білдіріп, кінәлілерді іздейді. Саяси көңіл-күйдің бүрылыс кезеңінде адамдардың сезімдері саяси талаптарға айналып, олар өз наразылықтарының себептерін түсіне бастайды. Саяси көңіл-күйдің көтерілу кезеңінде басым көңіл-күй анықталып, оны жүзеге асыру іс-әрекеттері талап етіле бастайды. Саяси көңіл-күйдің қайта оралуы кезеңіне эмоциялық құлдырау, көңіл-күйге шынайы немесе бұлыңғыр қанағаттану тән. Саяси тәртіптің қызметінде саяси көңіл-күй маңызды рөл атқарады, сондықтан саяси тәртіп оның динамикасын болжауға, тіптен оны басқаруға ұмтылады. [1]
Дереккөздер өңдеу
- ↑ Саяси түсіндірме сөздік. – Алматы, 2007. ISBN 9965-32-491-3
Бұл мақаланы Уикипедия сапа талаптарына лайықты болуы үшін уикилендіру қажет. |
Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|
Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |