Інжугүл

Інжугүл (лат. Convallaria) – қасқыржемдер тұқымдасына жататын көп жылдық шөптесін өсімдіктер туысы.

Інжугүл
Convallaria keiskei
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Дара жарнақтылар Сабы: Asparagales Тұқымдасы: Asparagaceae Кіші тұқымдасы: Nolinoideae Тегі: Convallaria L.
түрлері
1-3 түрі белгілі

Қазақстанда емен ормандарында, Жайық өзенінің аңғарында өсетін бір ғана түрі - меруертгүл (лат. Convallaria majalis) бар. Мамыр, маусым айларында гүлдейді. Биіктігі 40 см-дей, тамырсабағы бар өсімдік. Жапырағы түбіне, жер бетіне тақау өскен , қандауыр пішіндес, не сопақтау келген. Гүлі ақ, хош иісті, қоңырау тәрізді болып топтанған. Жемісі: жидек, қызыл кейде сары түсті. Бұл өсімдік дәрілік өсімдік, құрамында жүрек етін сергітетін гликозидтер бар. Гүлдей сатысында жиналады. Әсемдік өсімдік, қыста да өсіруге болады. Қызыл кітапқа енгізілген.