Ішектің тарылуы
Ішектің тарылуы ас өтпей, үлкен дәрет жүрмей ішек бойында кедергіге тап болған жағдайда білінуі де мүмкін. Мұндайдың ең кең таралған түрлеріне мыналар жатады:
- Ішекқұрттардың шумақталуы не түйнектелуі;
- Жарық ауруының (грыжа) қысымымен ішектің тұзақталып қалуы;
- Ісік немесе түйілу салдарынан ішек жолдары саңылауының бітелуі;
Іштің түйілу түрлерінің қай-қайсында да ішек жолдарының тарылуы — ас өтпеу, дәрет жүрмеу белгілері байқалады да, зақымданған ішек қимылсыз қалады, сондықтан адам сәл қозғалған кезде қатты ауыртады.
Белгілері
өңдеу- Іш үздіксіз қатты ауырады Жас баланың іші кеуіп желденіп, қатайып кетеді және сезімтал күйде болады. Қол тиер-тиместе ауырсынып, ауырған жерін қорғағысы келетіндей жағдайда болады, сондықтан да аяқтарын жартылай бүгіп алады. Оның іш-құрылысы артық дыбыс байқатпай «тыныш» күйде болады (ішіне құлағыңызды тақап тосқанда да ішектердің кәдуілгідей құрыл-шұрылы естілмейді).
- Оқыстан қатты құсу. Ауыздан атқыған екпінмен құсық бір метр-ден де артық жерге шашырап кетуі мүмкін бұл құсық өт түстес жасыл жалқаяқ немесе нәжіс құрамдас болуы, сондай иіс шығуы мүмкін
- Ауру адам үлкен дәреті жүрмей зардап шегеді (дәретке отыруға қажетсіну жағдайы жойылып не жойыла бастайды). Жеңіл ғана іш өтуі мүмкін. Адамның үлкен дәреті көп жағдайда қанды жалқаяқ түрінде болып келеді
Ауру адамды мүмкіндігінше ауруханаға тез жеткізуді ойластырыңыз. Оның өміріне қатер төніп түр, оған бәлкім операция жасау қажет болуы мүмкін.
Дереккөздер
өңдеу- Вернер, Дэвид. Халыққа медициналық жәрдем көрсету жөніндегі (Анықтамалық). Қазақ тіліне аударғандар: Айымбетов М, Бермаханов А.—Алматы: "Демалыс", "Қазақстан", 1994— 506 бет.
Осы кітаптың кез келген бөлігін коммерциялық емес мақсатта көшіруге және таратуға басып шығарушылар арнайы рұқсат берген. Сол үшін оларға көп-көп рақмет!
| Бұл мақалада еш сурет жоқ.
Мақаланы жетілдіру үшін қажетті суретті енгізіп көмек беріңіз. Суретті қосқаннан кейін бұл үлгіні мақаладан аластаңыз.
|