АБДУЛЛАЕВ Марат Шәдібайұлы (28.3.1957 жылы туылған, Қызылорда қ.) – медицина ғылымдарының докторы (1997), профессор (1998). Алматы мемлекеттік медициналық институтын (1980, қазіргі Қазақ ұлттық медициналық университеті), Мәскеу қаласындағы Проктология ғылыми-зерттеу институтын (1985-87) бітірген. Қызылорда облысының ауруханасында (1980–83), Алматы қаласының 1-клиникалық ауруханасының проктология бөлімінде дәрігер-хирург (1983–85), Қазақ онкология және радиология ғылыми-зерттеу институтында аға лаборант (1987–89), Алматы қаласының орталық клиникалық ауруханасында проктология бөлімінің меңгерушісі (1989–2005), Қызылорда облысының денсаулық сақтау департаментінің директоры (2005–07), Алматы мемлекеттік дәрігерлердің білімін жетілдіру институтының курс жетекшісі, кафедра меңгерушісі (2007–12), Алматы қаласының клиникалық ауруханасының (2012–17), №7 қалалық клиникалық ауруханасының басшысы (2017–19) қызметтерін атқарған. 2020 жылдан Алматы қаласының клиникалық ауруханасының басшысы. Қазақстан проктолог-дәрігерлер қауымдастығының президенті (1998), Халықаралық хирург-проктологтар ассоциациясының мүшесі. Алматы қаласының үздік дәрігері (2000). 140-тан астам ғылыми еңбектің, 2 монографияның авторы. «Құрмет» орденімен (2004), ҚР Денсаулық сақтау ісінің үздігі төсбелгісімен (2003) марапатталған.[1]
- ↑ АБДУЛЛАЕВ Марат Шәдібайұлы //СЫР ЕЛІ. Энциклопедия. – Алматы: «Тау-Қайнар» ЖШС, 2024. – 82 б.
