Абай айнасы

«Абай айнасы» — Дүкенбай Досжанның қалам ұшынан шыққан ғұмырнамалық зерттеу кітабы, 1994 жылы жарияланды.

Мұнда Абай болмысы пәлсапалық тұрғыдан көрсетіліп, ақын рухымен іштей шүйіркелесу арқылы көптеген мәселелер талдауға салынады.

Автор өзі атап өткендей, «Абай мен Байрон» тарауы бастапқыда дипломдық жұмысы еді, кейін оны кітапқа кірістіру мақсатымен қайтадан жазды. Ал араб тілінің маманы, Құранның аудармашысы Нұралы Өсерұлымен пікір сайысы, ойласу, сырласу үстінде «Абай діні» тарауы дүниеге келді. «Ақынның тұқым-тұяғы» жазылуына Мәкен Тұрағұлқызы себепкер болды.

Сондай-ақ кітап Абай өмірінің ақтаңдақ тұстарын соңғы кезде табылған Тұрағұл, Кәкітай, Ахат деректерімен толыға түсті.

Кітап 15 тараудан тұрады.

Мазмұны

Кітап эпиграфы: Абайдың өлген күнінен қанша алыстасақ, рухына сонша жақындармыз... Бірінші ақынымыз деп қабіріне халқы жиі-жиі зиарат етер, халық пенен Абай арасы күшті махаббатпен жалғасар. Ол күндерді біз көрмеспіз, бірақ біздің рухымыз сезер, қуанар. Міржақып Дулатұлы

• Абайдың тұқым-тұяғы
• Қырқыншы сөз үстіндегі сұхбат
• 1898 жыл. Қастандық
• 1880 жыл. Екі кісі боп бөлінген Абай
• 1882 жыл. Абай діні
• 1885 жыл. Еуропаның есігі
• 1887 жыл. Абай мен Пушкин
• 1886-88 жыл. Абай күлкісі. Сұлулыққа табыну
• 1893 жыл. Абай мен Байрон
• 1895 жыл. Абай өкініші
• 1897 жыл. Ақылдың қыры
• 1898 жыл. Өлеңдерім жиналсын
• 1900 жыл. Абай айнасы
• 1904 жыл. Отырып ауырған адам
• 1934 жыл. Тұрағұлдың мұңы