Абай Құнанбаев (кітап)

«Абай Құнанбаев» - қазақтың мемлекеттік көркем әдебиет баспасынан (қазіргі «Жазушы») 1950 ж. жарық көрген монографиялық еңбек. Авторы - Ә. Жиреншин. Еңбек кіріспеден және «Абайды ғылыми зерттеу», «Абайдың дүниеге көзқарасы», «Абайдың ақындығы», «Абайдың әлеуметтік ойды дамытуы және Абай заманындағы қазақ поэзиясы», «Абайдың өмір жолы мен мектебі» деген тараулардан тұрады. Онда автор Абайдың өмір жолы мен ақындық дарынына, дүниеге көзқарасына, философиялық ой-пікірлеріне шолу жасап, ойшылдық, демократиялық-ағартушылдық қызметіне баға береді, Абайды ұстаз тұтқан С. Торайғыров, Н. Орманбетов, К. Жанатаев, Ақылбай, Мағауия, Кәкітай Құнанбаев, Ә. Оспанов сынды ақындардың шығармашылық қызметіне тоқталады. Кітап әдебиет зерттеушілеріне, студенттерге, көпшілік оқырманға арналған. Көлемі 11,2 баспа табақ, 15 мың дана болып басылған.