Абай Әбдіғалиұлы Раисов

Абай Әбдіғалиұлы Раисов 1964 жылы 27 ақпанда Қостанай облысы Семиозер ауданының 230-шақырымында туған.

Әкесі - Раисов Әбдіғали Омарұлы, зейнеткер, қазақ тілі мен әдебиетінің мұғалімі болған. Анасы - Раисова Сәлима, зейнеткер, аудандық тутыну одағында сатушы болып еңбек еткен.

Қостанай ауылшаруашылық институтының зооинженерлік факультетін (1986) зоотехник мамандығы бойынша; Е.А. Бекетов атындағы Қарағанды мемлекеттік университетінің заң факультетін (1995) заңгер мамандығы бойынша бітірген.

1981 жылдан - Қостанай ауылшаруашылық институтының студенті. 1986 жылдан - Кеңес Әскерінің қатарында қызметте. 1987 жылдың сәуір айынан - Қостанай облысы Семиозер ауданының «Диев» кеңшарында зоотехник, аға зоотехник, мал шаруашылығы жөніндегі бригадир. 1987 жылдың қараша айынан - Қостанай облысы Семиозер ауданы «Колос» бидай өсіру кеңшарының №1 бөлімшесінде ұйымдастырушы бригадир. 1991 жылдың шілде айынан - Қостанай облысы Семиозер ауданының Чернышевский атындағы кеңшарында зоотехник-селекцияшы, 1991 жылдың қазан айынан - «Колос» бидай өсіру кеңшарының зоотехнигі. 1992 жылдан - Қостанай облысы Семиозер ауданының Баймағамбетов атындағы кеңшарында №І бөлімше зоотехнигі; Семиозер аудандық сотының сот орындаушысы. 1996 жылдан - Қостанай облысы Семиозер аудандық сотының судьясы. 2005 жылдан - Қостанай облысы Қамысты аудандық сотының терағасы. 2010 жылдың ақпан айынан бері - Қостанай облысының қылмыстық істер жөніндегі мамандандырылған аудан аралық сотының төрағасы.

• Үйленген. Жұбайы - Раисова Алла Шәйкенқызы, аудандық қаржы бөлімінің бас маманы. Қыздары - Раисова Меруерт Абайқызы (1985 жылы туған), Раисова Камила Абайқызы (2000 жылы туған); ұлы - Раисов Арғын Абайұлы (1986 жылы туған).