Абай (шахта)

«Абай», «Миттал-Стил Теміртау» АҚ Көмір департаментінің(1996 жылдан) шахтасы. (Абай қаласы, 1971 жылга дейін 6-7 «Шерубай-Нұра» шахтасы). Жобасын 1949 ж. Қарағанды мемлекеттік шахта жобалау институты жасаған. 1954 жылдан бері пайлаланылады. 1998 ж. Абай және Калинин атындағы шахталар бірігіп, өндірістік бірлестік құрды. Шахтада көмір мен газдың кенеттен атылу қаупі мол. КЕ және К10 қабаттарын өндіргенде газдың бөлінуі 100-150 м3/мин. Кешенді дегазация қолданылады. Барлық көмір қабаттары өздігінен Жануға бейім. «Абай» «шахта-лава» жүйесімен жұмыс істейді. 2 ӨКП 70К механикаландырылған кешені, қуатты 8Б-300 комбайны қолданылады. Кен дайындау жұмыстары ГПКС, 4ПП-2 кен-проходка комбайндарымен жүргізіледі. Көмір ленталы конвейерлермен тасымалданады. Біріккен уақыттан шахта жылына 1,0 млн т көмір өндіріп келеді.