Абдуллах Маназ

Абдуллах Маназ (жазушы) – түрік жазушысы, журналист .

1958 жылы Йозгаттың Иеркөй қаласында дүниеге келген. 1978 жылы Анкарадағы Мамак лицейін, 1984 жылы Анкара университетінің Дінтану факультетінің Ислам философиясы бөлімін бітірген. 1978 жылы журналист қызметіндегі алғашқы қадамдары кейбір ұлттық газеттердегі мақалаларында, карикатура стилінде салынған суреттерімен көріне бастайды. 1984 жылы Анкарадағы TRT теледидарына жұмысқа орналасады. Жүздеген бағдарламаның режиссері мен авторы болған. 1985, 1986 және 1994 жылдары бағдарламаларының жемісті болуына орай сыйлықтармен марапатталған. 1987 жылы Сирияда бір жыл араб тілін үйреніп, Солтүстік Ирак, Үрдүн, Лүбнан, Мысыр, Ливия, Тунус, Иран және Еуропа мемлекеттеріне зерттеу жұмыстарын жүргізу үшін саяхаттар жасаған. 1995-1998 жылдар аралығында Эге университетінің қатынас факультетінде мұғалімдік қызмет атқарған. Ұлттық және халықаралық конференцияларға қатысқан. Қазірге дейін Измир теледидары TRT-де Стратегия маманы ретінде қызмет атқаруда. Көптеген кітаптардың авторы. Сонымен бірге электронды кітаптары да интернет сайттарында жарияланған.