Абу Болатбек Ұласқанұлы

Абу Болатбек Ұласқанұлы (8 қараша1982 жыл туған, Қызылорда облысы Байқоңыр қаласы) – діни қайраткер. Қазақстан мұсылмандары діни басқармасы Қызылорда облысы бойынша өкілі болған. Алматыдағы «Нұр-Мүбарак» Египет ислам мәдениеті университетін (2008), магистратурасын (2010), докторантурасын (2015), «Аймақтық әлеуметтік-инновациялық» университетін (2013), Республикалық имамдар білімін жетілдіру (2013), Экстремизмді алдын алу саласындағы мамандарды қайта даярлау институттарын (2017) бітірген. Бірнеше тілді меңгерген. Абу Сауд Арабиясында қажылық парызын орындаған. Египетте, Катар, Малайзияда конференция, симпозиумдарға қатысып баяндама жасаған, білімін жетілдіру курстарынан өткен.

Еңбек жолы

Еңбек жолын Байқоңыр қаласында «Жәрімбет ишан» мешітінде азаншы, ұстаз, наиб имам (1999-2002) болып бастап, «Нұр-Мүбарак» Египет ислам мәдениеті университетінде оқытушы (2009-12), ректордың әкімшілік және халықаралық істері жөніндегі көмекшісі (2010-14), университеттің Аппарат жетекшісі, Бас хатшы (2014-18), Қызылорда облысының бас имамы (2018-23) қызметтерін атқарған.

Марапаттары

• ҚР-ның «Халық алғысы» медалі
• Қармақшы ауданының құрметті азаматы