Авария

Апат - технологиялық үдерістің бұзылуы, механизмдердің, жабдықтар мен ғимараттардың бұзылуы. Апаттық ғимараттар бойынша зерттеу жұмыстарын апаттық ғимараттардың техникалық жағдайын зерттейтін тұрақты жұмыс атқару облыстық комиссиясы жүргізеді. Аталған комиссияның зерттеу жұмыстарының қорытындысы бойынша шешімді облыстық төтенше жағдайлардың алдын алу және жою жөніндегі комиссия төрағасы қабылдайды. Қауіпті өндірістік объектілердегі апаттардың себептерін тексеру тәртібін «Қауіпті өндірістік объектілердегі өнеркәсіптік қауіпсіздік туралы» ҚР 2002 ж. 3 сәуір күнгі Заңына сәйкес өнеркәсіптік саласындағы өкілетті мемлекеттік орган мүдделі орталық атқарушы органдармен бірлесіп өздерінің құзыреті шегінде белгілейді.