Авиациялық полк

Авиациялық полк — әскери-әуе күштерінің негізгі тактикалық және әкімшіліктік бірлігі болып табылатын авиациялық әскери бөлім. Ол бірнеше авиациялық эскадрильядан, штабтан, техникалық пайдалану және басқару бөлімшелерінен құралады. Авиациялық полк жеке әскери бөлім болуы немесе авиациялық құрамалардың құрамына, мысалы, авиациялық дивизия құрамына енуі мүмкін. Авиациялық полк жауынгерлік міндеттерді дербес түрде де, авиацияның басқа түрлерінің бөлімдері мен бөлімшелерімен өзара бірлесе отырып та орындауға қабілетті.