Авиацияның ұрыстық реті

Авиацияның ұрыстық реті — жауынгерлік міндеттерді орындау үшін әуеде бөлімшелер (бөлімдер) ұшақтарының белгілі бір орналасуы (топтасуы). Авиацияның ұрыстық реті экипаждар арасындағы маневр еркіндігі мен бірлескен атысын, өздерінің қарсыластың зениттік құралдарынан мейлінше аз зақым алуын, объектіні бомбалаудың тиімді жағдайын қамтамасыз етуі керек. Бөлімшенің ұрыстық реттегі ұшақтары ұрыстық реттің тереңдігі, ендігі, биіктігін жасайтын белгілі бір жоғарылату мен төмендетуі бар белгіленген интервалдар мен арақашықтықтарда ұшып отырады.