Авиацияны жаппай қолдану

Авиацияны жаппай қолдану (Массированное применение авиации) — авиациялық бірлестіктің күштері мен құралдарының басым бөлігін немесе барлық күшін майдан, флот немесе әскери-әуе күштері (армия) қимылдарының маңызды бағыттарына шоғырландыру. Авиацияны ұрыста қолданудың негізгі ұстанымдарының бірі болып табылады. Авиацияны жаппай қолдану негізгі күштердің қарсыластың маңызды объектілеріне бір уақытта немесе біртіндеп соққы беруіне саяды. Авиацияны жаппай қолдану ұстанымдары Ұлы Отан соғысында, әсіресе 1942 ж. Жоғарғы Бас қолбасшылық резервіндегі майданға әуе армиялары мен авиациялық корпустарының шығуына байланысты кеңінен пайдаланылды. Авиацияны жаппай қолдану мақсатында майданның әуе армиясының маңызды стратегиялық бағыттарында авиациялық корпустармен, дивизиялармен күшейтілді. Нәтижесінде әуе армияларындағы ұшақтардың саны кейде 2-3 мыңға дейін жетті. Майдандарда авиацияның басым бөлігі маңызды бағыттарда жаппай қолданылды. Авиацияны жаппай қолдану АҚШ пен Ұлыбритания әскери-әуе күштерінде кеңінен тәжірибеден өткен. Сонымен қатар Германияда тылдағы объектілерді жоюда және тактикалық және оперативтік аймақтарды бомбалауда пайдаланылды.