Авиация қаруы

Авиация қаруы — әскери ұшақтарға және басқа ұшатын аппараттарға кондырылатын, қарсылас нысанасын жоятын қару мен оларды қозғалысқа келтіретін құрал-жабдықтар. Авиация қаруына ұшаққа орнатылатын қарулардың барлық түрлері, олардың қондырғылары, бомба тастайтын құрал мен атыс қаруының көздеуші жабдықтары, қару-жарақ жүйесінің борттағы есептеуіш тетіктері, оқ-дәрілер, арнаулы жүктерді орналастыратын және түсіретін құралдар, т.б. жатады. Авиация қаруы ракета, зеңбірек, пулемет, бомбалаушы және арнаулы қару түрлеріне бөлінеді. Оған:
а) зеңбірек-пулемет қарулары — калибрі 7,62 мм-ден 15 мм-ге дейінгі пулеметтер, 20 мм және одан да үлкен калибрлі зеңбіректер, тиісті кондырғылар мен оқ-дәрілер;
ә) бомбалаушы қаруға түрлі мақсатта қолданылатын авиациялық бомбалар, торпедалар, миналар, оларды көтеретін және тастайтын құралдар кіреді;
б) ракета қаруына басқарылатын және басқарылмайтын ракеталар — осы заманғы ұшақтардың негізгі қаруы — жатады. Басқарылатын снарядтар мен осы заманғы авиация қаруы — механикалық, радиотехникалық, электрондық, оптикалық аспаптар мен тетіктердің күрделі жиынтығы.