Автоматты радиокомпас

Автоматты радиокомпас — навигацияның радиотехникалық жүйесінің кемерлік жабдығы. Ол ұшақтың ұшу барысындағы орнын анықтауға, оны қону орнына әкелуге, басқа да ұшақты жүргізу міндеттерін орындауға арналған. Радиокомпаста 360°-қа айналатын жақтаулы антеннасы бар қабылдағыш болады. Магнитті компаспен бірге ол радиокомпас қабылдағышы қойылған радиостанция азимутын өлшеуге мүмкіндік береді, сол арқылы ұшақтың орнын анықтайды. Автоматты радиокомпастың әрекет ету қашықтығы жер үсті радиостанцияларының қуаттылығына байланысты 800 км-ге жетеді.