Автомотриса

Автомотриса (фр. аutomotrice, көне грекше: αὐτός «өзі» және лат. mōtrīx «жылжытушы») — іштен жану қозғалтқышы арқылы өздігінен жүретін автовагон. Шағын қашықтықтағы темір жол линияларында жолаушылар тасымалдауға арналған.

Қозғалтқыш қуаты автомотрисаның жетекші доңғалақтарына электр генераторы мен электр қозғалтқышы арқылы беріледі. Кейбір автомотрисада механикалық, не гидромеханикалық берілістер де қолданылады. Бұл жағдайда қуат гидравликалық қондырғылар мен жылдамдық қорабының көмегімен беріледі.

Техникалық мінездеме

Автомотриса 2 және 4 осьті болып келеді,
орын саны 50-70,
жылдамдығы - 50-70 км/сағ
қозғалтқышының қуаты - 100-180 а.қ.
Бір секциялы 'Автомотриса 1-2 вагоннан тұрады.
Бір-біріне жалғастырылған бірнеше секциялы Автомотриса поезд деп аталады. Ол бір жерден басқарылады. Поезд кұш қондырғысының қуаты -600-1600 а.қ., жылдамдығы120-140 км/сағ.

• 
  Моторсыз автомотрица, Стокгольм,1920ж.
• 
  Екіжақты рельсобус (автомотрица) Финлядия 1950 ж.
• 
  Польша, 2004 ж.
• 
  Автомотрица АДМ-1,3, Ресей, 2011 ж.

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998