Автотрактор техникасы

Автотрактор техникасы — автокөліктер, шынжыр табанды және дөңгелекті тартқыштар, транспортерлер, әскери мақсатта қолданылатын, әскери бөлімдер мен бөлімшелердің қару-жарағының құрамыңда болатын тракторлар мен автотрактор тіркемелері. Автокөліктер түріне қарай жеңіл (2-7 адам тасымалдайтын), жүк тасымалдайтын (жүк тасымалдау үшін) және арнаулы (арнайы жабықтары бар) бөліктерге бөлінеді. Кең тараған автокөліктер қатарына шеберханалардың барлық түрі, санитариялық және штабтық автобустар, автоцистерналар, жанармай құюшылар, су-май күюшылар жатады. Шынжыр табанды тартқыштар мен транспортерлер салмағына, тарту мүмкіндігіне, сауытына қарай жартылай сауытты, жеңіл, орташа және ауыр болып бөлінеді. Тіркемелер, жартылай тіркемелер мен тартқыштар біліктерінің саны мен ауырлық көтеруіне байланысты түрлерге бөлінеді. Мақсатына қарай автомобильдер, шынжыр табанды және дөңгелекті тартқыштар, транспортерлер мен тракторлар: ұрыстық, саптық, жаттығулық (жаттығулық-ұрыстық) және көліктік (көмекші) болып сараланады.