Агрегация

Агрегация - тромбоциттердің бір-бірімен жабысып, қан тамырлырының бүлінген жерлерінен қан кетуді тоқтатуға бағытталған маңызды қасиеттерінің бірі. Агрегация тромбоз дамуының немесе қан қатпасының түзілуінің екінші сатысы.

Механизмі

Агрегация екі сатыдан тұрады:

• бірінші сатысында тромбоциттердің түйіршіктері сыртына шығарылады. Осыдан АДФ, АМФ, АТФ, адреналин, норадреналин, серотонин, гистамин, кальций иондары т.б. белсенді заттар бөлініп шығады;
  
• екінші сатысында тромбоциттердің а-түйіршіктерінен лизосомалық ферменттер т.б. шығарылады.
  

Тромбоциттер түйіршіктерінің бөлшектері ғана босап шығуынан басқа тромбоциттердің белсенділігі артып, олар өзара бір-бірімен және бүлінген эндотелий астына жабысқан жасушалардың сыртына жабысып, болашақ тромбоциттік қан қатпасының негізін қалайды. Осылармен бір мезгілде тромбоксан А₂ мен қан тамырларына белсенді әсер ететін басқа заттардың жергілікті бөлінуінен қан тамырларының жиырылуы болады.