Азамат Жәкібаев

Азамат Жәкібаев – Желтоқсан көтерілісіне қатысқан еліміздің патриот азаматтарының бірі. Алып империя – Кеңес үкіметіне қарсы үнпарақтар таратқан. Азамат Жәкібаев бұл кезде 18 жасқа жаңа толған бозбала болған. «Жойылсын кеңес үкіметі», «Азаттық теңдік жасасын!» деп жазылған үнпарақтарды тарату үстінде Қауіпсіздік комитетінің қызметкерлеріне ұсталып, тергеу изоляторына қамалады. Мемлекетке қауіпті деген айып тағылады. Психикалық ауытқушылығы бар деп, сап-сау баланы Алматы облысы Талғар қаласының жындыханасына күштеп жатқызған. Оны дәрі-дәрмекпен улап, ақыры өлтіріп тынған. Азамат Жәкібаев – талантты театр және киноактер Қасым Жәкібаевтың ұлы болған.