Айгүл Хакімжанова

Хакімжанова Айгүл — 1962 жылы Алматы қаласында дүниге келген..1984 жылы Абай атындағы Қазақ мемлекеттік педагогикалық институтының көркемграфика факультетін бітірген. 1988 жылдан бастап Республикалық сурет колледжінде сабақ береді. 1995 жылдан Қазақстан жас суретшілер бірлестігінің мүшесі. 2002 жылдан бастап Қазақ Ұлттық Өнер академиясының оқытушысы. Қатысқан көрмелері: 1995 жылы Жастар көрмесі, Алматы. 1996 жылы "Жігер", "Желтоқсан" жастар көрмесі. 1998 жылы Жас суретшілердің халықаралық фестивалі, "Жігер" жастар көрмесі. 1998 жылы "Теңгір - Ұмай" галереясындағы "Таң - Шолпан" көрмесі. 1999 жылы "Астана" қонақүйінің көрме залындағы "Тан-Шолпан" көрмесі. 2000 жылы Түрік мәдени орталығындағы көрме. 2001 жылы Қастеев атындағы мұражайдағы голландиялық "Адам және қызғалдақ" көрмесі. 2001 жылы Халықаралық әйелдер клубындағы көрме. "Жаңа ұрпақ" оқулыктарын, "Букварь", "Родное слово" , және 5-6 сыныптарға арналған "Тарих" оқулығын безендірген. Балалар оқулықтарының және журналдардың безендірушісі.