Айман — Шолпан операсы

«Айман-Шолпан», опера. Либреттосын Әуезов, музыкасын Е. Брусиловский жазған.

Премьерасы 1938 жылы 28 сәуірде болды. Қоюшы режиссерлары: Қ. Байсейітов пен А.Винер, дирижерлері - Н. Шкаровский мен Ф. Кузьмич, суретшісі - А. Ненашев. Басты рөлдерде Қ. Байсейітова, X. Нұрмағамбетова, М. Ержанов, Қ. Жандарбеков т. б. ойнады. Е.Брусиловскийдің пікірі бойынша, бұл опера қазақ музыкалық комедиясын жасаудың алғашқы талпынысы еді. Әдемі либреттоға музыкасы сай келмей, көп жері ақсап жатты, созылыңқы, тартымсыз шықты. Құрылысы жағынан тұтастық, композиторлық реттілік пен айқындық жетіспеді. Сондықтан опера ғұмыры ұзақ болмады.