Айналу периоды



Айналу периоды (Т) — нүктенің шеңбер бойымен бір айналым жасауға кеткен уақытын айтады, яғни Т = t/n. Айналу периоды секундпен (с) өлшенеді. Периодқа кері шама жиілік деп аталады. Ол 1с ішіндегі айналым санына тең, яғни v=n/t. SI жүйесінде жиілік бірлігі ретінде 1с ішіндегі жасалған 1 айналым алынады. Период пен жиілік біріне-бірі кері шама болғандықтан, олардың арасындағы байланысты v=1/T немесе T=1/v өрнектерімен көрсетуге болады.

Шеңбер бойымен бірқалыпты қозғалыста нүкте белгілі бір уақыт аралығында өзінің бастапқы орнына ауық-ауық қайта оралып отырады. Сондықтан нүктенің шеңбер бойымен бірқалыпты қозғалысын сипаттау үшін айналу периоды және айналу жиілігі деп аталатын шамалар енгізіледі.[1]

Дереккөздер өңдеу

  1. Физика және астрономия: Жалпы білім беретін мектептің 9-сыныбына арналған оқулық / Р. Башарұлы, Д. Қазақбаева, У. Токбергенова, Н. Бекбасар. — Алматы: "Мектеп" баспасы, 2005. — 248 бет, суретті. ISBN 9965-33-351-3