Айт (жырау)

Айт (1800-1860), қол бастаған батыр, шежіреші, жырау, диқан. Руы — Бағаналының Сарғалдақ тармағы. Айттың ел қорғаған батырлығы, шежіреші жыраулығымен қатар Ұлытау өңірінде алғаш диқаншылық кәсібінің негізін салған адамдардың бірі екендігі ел аузында басым айтылады. Оның Тайкеткен, Бұрма өзенінен тоған байлатып, егін салдырған орындары бертінгі күнге дейін сақталған. Айт екі жерден мешіт салдырып, бала оқытқан. Қыс қатты болып, малдан жұтап қалған кедейлерге ірі байлардан 500 қысырақ алып бергені туралы аңыз- әңгіме бар.