Актиния

Актиния немесе теңіз анемондары - (лат. Actiniaria)  - ішек қуыстылар отрядына жататын теңіз жануары.

Актиния
Актиниялар, Эрнст Геккелдің суреті (1904)
Ғылыми топтастыруы
Дүниесі: Жануарлар Табы: Hexacorallia Тұқымдасы: ішек қуыстылар Тегі: Actiniaria
Үлгілік түрі
Actiniaria Hertwig, 1882

Биологиялық сипаттамасы

Тұрқы бірнеше мм-ден 1,5 м-ге дейін барады.
Қатты субстратқа "табанымен" жабысады. Ал егер субстрат жұмсақ болса (мысалы, құм) ауыз тесігінің қармауыштарымен бекітіледі.
Актинияларда минералды скелеті болмайды, тіреу міндетін ішек қуысы орындайды.
Актинияның көбісі ашық түсті болып келеді (мысалы, сары, қызыл).
Жыныстық жолмен көбейеді. Тірідей туатын түрлері де бар.
Актинияның көпшілігі бір жерде қозғалмай отырып, жеке тіршілік етеді, тек біразы ғана колония құрады.
Планктондармен, шаян тәрізділермен, моллюскілердің личинкаларымен және өте ұсақ балықтармен қоректенеді. Қорегін атпалы жасушалармен қармалап ұстайды. Оның атпалы жасушасы адамның терісіне тигенде күйдіріп кетеді, ал ұсақ жәндіктерді өлтіріп жібереді.

Таралуы

Көбінесе тропикалық және субтропикалық суларда кездеседі.
Қара теңізде, Баренц теңізінде және Қиыр Шығыс теңіздерінде көп болады.

Дереккөздер

• “Қазақстан”: Ұлттық энциклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998