Алвин Тоффлер (ағылш. Alvin Toffler; 4 қазан 1928, Нью-Йорк, АҚШ – 27 маусым 2016, Лос Анжелес, АҚШ) – америкалық әлеуметтанушы, публицист, “постиндустриялық қоғам” тұжырымдамасы авторларының бірі. “Болашақтың соққысы” (1970), “Үшінші толқын” (1980) және басқа еңбектерінде адамзат қоғамы жаңа технологиялық төңкерісті басынан өткізіп жатқандығы және мұның ақыры әлеуметтік қатынастардың үздіксіз түбегейлі жаңарып, қалыптан тыс индустриялық өркениеттің құрылуына әкелетінін айтты. Қазіргі мемлекеттердің қоғамдық құрылымы ғылыми-техникалық төңкеріспен бірге келген экономикалық, әлеуметтік салалардағы қайшылықтарға төтеп бере алмай, жаһандық деңгейдегі дағдарыстарға соқтырады. Түбегейлі демократикалық реформалар жасау арқылы әділетті қоғам құруға, дағдарыстардан шығуға болады деп білді.[1]
