Алдыңғы батальон

Алдыңғы батальон — басты күштердің шабуылы алдында қарсыластың дайындалған қорғанысын ұрыспен барлау үшін белінген күшейтілген атқыштар (мотоатқыштар) батальоны. Алдыңғы батальон өздерінің тапсырмаларын әдетте, басты күштердің шабуылына бір тәулік қалғанда немесе шабуыл күні атқарған. 1950 жылдардың ортасынан бері ресми құжаттарда алдыңғы батальон термині қолданылмайды.

Алдыңғы батальон — Ұлы Отан соғысы кезіндегі кеңес әскери термині. Ол күшейтілген мотожаяу әскер, жаяу әскер немесе танк батальонын білдіреді. Мұндай батальон негізгі күштердің шабуылына дейін қарсыластың дайындалған қорғаныс шебін барлау үшін тағайындалған.

Кеңес Армиясында алдыңғы батальондарды алғаш рет Ұлы Отан соғысы кезінде, 1942 жылы қолданды[1]. Олардың негізгі міндеті қарсыластың уақытша тастап кеткен позицияларына артиллериялық және авиациялық соққылар жасалмауы үшін жаудың алдыңғы шебін зерттеу болды[1]. Бұдан бөлек, алдыңғы батальондар жаудың қорғаныс шептерінің сипаты мен құрылымын нақтылау, тұтқындарды, маңызды тірек пункттерін, қару-жарақ үлгілерін басып алу сияқты тапсырмаларды орындады[1][5]. Оларды кең майданда ұрысқа енгізу қарсыласты негізгі соққы бағытынан жаңылыстырып, басты күштердің шабуылын дамытуға қолайлы жағдай жасады[1][5].