Александр Иванович Галич

ГАЛИЧ Александр Иванович (1783-1848) - орыс философы, эстетик және . Петербург педагогикалық институтын бітірген (1808), Германияда оқыды (1808-13). Объективті идеалист Галич университетте оқыған лекцияларында (ол 1817-21 жылдары Петербург университетінде сабақ берді) және "Адам картинасында..." (1824) ойлаудың объективті шарттылығын, таным процесіндегі сезінудің ролін, оның дамуының сатылығы (гипотеза - ұғым - идея), ойлаудың физиологиямен байланысын атап көрсетті, әлеуметтік утопияны қамтитын антропологиялық тарих философиясын негіздеп берді. "Философиялық жүйелері тарихында..." (1818-19) философия дамуының заңдылықтарын тұжырымдауға тырысты, материализмге қарсы шықты, бірақ тәжірибелік ғылымдар методологиясын жоғары бағалады. "Әсемдік ғылымының тәжірибесі" деген еңбегінде (1825) Ресейде алғашқылардың бірі болып романтизм эстетикасын насихаттады.