Александр Сергеевич Судьин

Александр Сергеевич Судьин 1950 жылы 2 тамызда Жезқазған облысы Балқаш қаласында туған. Орыс.

Александр Сергеевич Судьин

В.И. Ленин атындағы Қазақ политехникалық институтын (1973) инженер-электрик мамандығы бойынша; Алматы жоғары партия мектебін (1990) саясаттанушы мамандығы бойынша бітірген.

КОКП мүшесі (1991 жылға дейін), «Нұр Отан» ХДП мүшесі.

1967 жылдың қыркүйек айынан - Қ. И. Сәтбаев атындағы тау-металлургия комбинатының электрослесарі . 1968 жылдыңтамыз айынан - В.И. Ленин атындағы Қазақ политехникалық институтының студенті. 1973 жылдың қазан айынан - «Казсельэнергопроект» бүкілодақтық ғылыми-зерттеу жобалау институты қазақ бөлімінің инженері, аға инженері. 1976 жылдың қараша айынан - Қазақстан ЛКЖО Алматы облыстық комитетінің жұмысшылар және ауыл жастары бөлімінің нұсқаушысы, 1979 маусым айынан - ұйымдастыру бөлімі меңгерушісінің орынбасары. 1980 жылдың маусым айынан - Қазақстан ЛКЖО бөлімініңжауапты ұйымдастырушысы, 1981 жылдың наурыз айынан - меңгерушісінің орынбасары. 1982 жылдың қараша айынан - Қазақстан компартиясы Алматы облыстық компартиясы ұйымдастыру-партия жұмысының үгіт-насихат бөлімінің нұсқаушысы, 1984 жылдың қараша айынан - нұсқаушысы, 1985 жылдың желтоқсан айынан - меңгерушінің орынбасары. 1986 жылдың шілде айынан - Қазақстан Компартиясы Лениндік аудандық атқару комитетінің екінші хатшысы. 1988 жылдың сәуір айынан - Қазақстан Компартиясы Алматы қалалық комитеті ұйымдастыру бөлімінің меңгерушісі. 1991 жылдың қараша айынан - ҚР Алматы қалалық Халық депутаттары кеңесі атқару Комитетінің кадрлар бөлімінің меңгерушісі. 1992 жылдың сәуір айынан - Алматы қалалық әкімшілігі ұйымдастырушылық-кадрлық жұмыс бөлімінің меңгерушісі. 1993 жылдың желтоқсан айынан -ҚР орталық сайлау комиссиясы төрағасының орынбасары. 1995 жылдың сәуір айынан - ҚР Президенті Аппараты ұйымдастыру-бақылау басқармасының мемлекеттік инспекторы. 1995 жылдың қараша айынан - ҚР Үкіметі Алпаратының аумақтық даму бөлімі меңгерушісінің бірінші орынбасары. 1996 жылдың қаңтар айынан 1999 жылдың сәуір айына дейін - ҚР Президенті Әкімшілігі мемлекеттік қызмет және кадрлық саясат бөлімінің меңгерушісі. 1998 жылдың қазан айынан 1999 жылдың ақпан айына дейін -ҚР Мемлекеттік қызмет агенттігі төрағасы қызметін атқарушы. 1999 жылдың сәуір айынан - ҚР Президенті әкімшілігі кадрлық жұмыс бөлімінің меңгерушісі. 2004 жылдың сәуір айынан - ҚР Президенті Әкімшілігі ұйымдастыру-бақылау жұмысы және кадрлық саясат басқармасы мемлекеттік инспекциясының мемлекеттік инспекторы. 2005 жылдың наурыз айынан - ҚР Президенті әкімшілігі мемлекеттік инспектор, 2005жылдыңтамыз айынан - мемлекеттік бақылау және ұйымдастырушылық жұмыс бөлімі меңгерушісінің орынбасары.

2007 жылдың тамыз айынан бері - ҚР Парламенті Сенатының депутаты, 2007 жылдың қыркүйек айынан - ҚР Парламенті Сенаты төрағасының орынбасары.

5 медальмен, оның ішінде «Ерен еңбегі үшін» медалімен марапатталған (2001).

Әскери атағы - майор.

Саяси қайраткер ретіндегі идеалы - Н.Ә. Назарбаев.

Хоббиі - спорт.

Сүйіп оқитын әдебиеті - тарихи-саяси әдебиет.

Үйленген. Жұбайы - Судьина Ольга Александровна (1951 жылы туған). Қызы - Бисимова Маргарита Александровна (1970 жылы туған). Немерелері - Әділет және Әлия.