Алексей Иванович Екимов
Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
Алексей Иванович Екимов (28.02.1945, Ленинград) — кеңестік және американдық ғалым, қатты дене физикасы және оптика саласындағы маман. Физика-математика ғылымдарының докторы. КСРО Мемлекеттік сыйлығының (1976) және химия саласындағы Нобель сыйлығының лауреаты (2023; Мунги Бавенди және Луис Брюспен бірге).
| Алексей Иванович Екимов | |
_(cropped).jpg) | |
| Туған күні | |
|---|---|
| Туған жері | |
| Ғылыми аясы |
қатты дене физикасы, оптика |
| Жұмыс орны |
А. Ф. Иоффе атындағы физика-техникалық институтында және С. И. Вавилов атындағы Мемлекеттік оптикалық институтта |
| Ғылыми дәрежесі |
физика-математика ғылымдарының докторы |
| Несімен белгілі |
кванттық нүктелер ашты |
| Марапаттары |
|
Өмірбаяны
өңдеу1967 жылы Ленинград мемлекеттік университетінің физика факультетін (молекулярлық физика кафедрасын) бітірген. 1974 жылы физика-математика ғылымдарының кандидаты ғылыми дәрежесін алу үшін «Жартылай өткізгіштердегі тасымалдаушы спиндердің оптикалық бағдарлануы» тақырыбында диссертация қорғады. 1989 жылы физика-математика ғылымдарының докторы ғылыми дәрежесін алу үшін «Жартылай өткізгіш микрокристалдардағы кванттық өлшемді құбылыстар» тақырыбында диссертация қорғады.
А. Ф. Иоффе атындағы физика-техникалық институтында және С. И. Вавилов атындағы Мемлекеттік оптикалық институтта жұмыс істеді. 1990 жылдар бойы ол Париждегі Политехникалық мектепте, Клод Бернардың Лион университетінде, Макс Планк институтында және Осака университетінде шақырылған профессор болды.
1999 жылдан АҚШ-та Nanocrystals Technology Inc, Нью-Йоркте бас ғалым болып жұмыс істейді (ағылш. chief scientist).
Жүзден астам ғылыми еңбектер мен бірнеше өнертабыстың авторы.
Сыйлықтар
өңдеу- 1976 жылғы КСРО Мемлекеттік сыйлығы — «Жартылай өткізгіштердегі электрондар мен ядролардың спиндерінің оптикалық бағдарлануымен байланысты жаңа құбылыстарды анықтау және зерттеу» сериясы үшін (1970-1974).
- 2006 жылғы Гумбольдт сыйлығы.
- 2006 жылғы Вуд сыйлығы (Л. Брюс және А. Эфроспен бөлісті). Оптикалық қоғам (OSA) «нанокристалды кванттық нүктелерді ашқаны және олардың электрондық және оптикалық қасиеттерін алғашқы зерттеулері үшін» марапаттады.
- 2013 ж. — Академик Д. С. Рождественский атындағы оптикалық қоғамының Е. Ф. Гросс медалі.
- 2023 жылғы химия бойынша Нобель сыйлығы.