Алматыдағы хоккей

Алматы хоккейі тарихы XX ғасыр 50-ші жылдардан бастау алады. Жергілікті командалар сол кездері Қазақ КСРі біріншілігінде өнер көрсетке, кейінірек КСРО чемпионатында әжептәуір өнерімен алматылық «Еңбек» клубы (1967/1972 жылдары — «Автомобилист») жанкүйерлерді тәнті еткен. Соның ішінде, мысалы, 1970 жылы алматылықтар КСРО кубогында жартылай финалға дейін жеткен, онда Воскресенсктың «Химигіне» жол берген. Алты маусым бойы (1969/1970, 1972/1973, 1973/1974, 1974/1975, 1982/1983 және 1983/1984) Аалматы «Еңбегі» қазақ хоккейінің намысын одақтық 1 лигада қоғаған, ең сәтті нәтижеге 1973/1974 жылы 8 орынмен жеткен. Команданы КСРО бойынша танымал хоккей бапкерлері — Юрий Сааль және Қазақстан хоккейінің негізін салушылардың бірі Юрий Баулин жаттықтырған,«Еңбек» сапында өте мықты хоккейшілер — кейінірек әлем чемпионы атанған Юрий Леонов сияқтылар ойнаған. 1975 жылы клуб жабылып тек 1980 жылы қайта ашылған, сосын қайта КСРО 1 лигасында ойнау құқына ие болады. Дегенмен «Еңбек» көп өмір сүрмейді…

Үміт ұялатқан

15 жылдай Алматы кәсіби хоккейсіз қалады. Хоккейді сүйетін қалада бұл спорт түрі әлі де болған, бірақ әуесқой деңгейде ғана. 1999 жылы ғана Қазақстан премьер-министрі «Хоккейді дамыту жайлы» қаулысымен «Еңбек» қайта дүниеге келді.

Қазақстан чемпионатында қатысып алматылықтар жақсы өнер көрсете алмады. Жеткіліксіз қаржыландыру клубты жақсы ойыншылармен жасақтаусыз және толыққанды жаттықтыру жұмысын жүргізусіз қалдырды. Басқа қазақ клубтары Қазақстан чемпионатымен қатар Ресей біріншіліктерінде қатысып жүрсе, «Еңбек» жылына он шақты ғана ойын өткізетін. Оның үстіне БАҚта жиі клуб жабдықтары мен қаражаттары ұрлануы жайлы жемқорлық айыптау әңгімелері шығып тұрды. Ақыры 2009 жылы клуб жабылып тынды…

Үлкен хоккейдің қайта оралуы

Толыққанды алғашқы Қазақстан біріншілігі 2009/2010 жылғы Алматысыз өтті. Ақыры қалада 2010 жылы мүлдем жаңа клуб құру туралы шешім қабылданды. «Алматы» клубы қала бюджеті мен әкімшілік қолдауымен өмір сүруде. Команданы Қазақстанның танымал маманы ҚХЛдық тәжірибесі бар Александр Высоцкий жасақтап өзі бас бапкер болып тағайындалды. Бірінші маусымда ақ Алматы клубы мойындалған мықты клубтардың терін әбден төккізді. Алматыда ірі хоккей ойындары қайта жөндеуден өткен Балуан Шолақ атындағы спорт сарайында, Медеу мұз айдынынды немесе Алматы облысы Талғар қаласындағы Ақ бұлақ кешенінде өтеді. Мысалы 2011 жылы Қысқы Азия ойындарының әйелдер хоккей ойындары толықтай Алматыда өтті.

Әйелдер хоккейі

Алматыда негізделетін Айсұлу кәсіби әйелдер хоккей клубы Қазақстанның мұзды хоккейден ұлттық әйелдер құрамасының негізгі клубы болып табылады. Бұл клуб 2004 жылдан халықаралық ареналарда Қазақстан намысын сәтті қорғауда.