Алматы қонақ үйі

 Басқа мағыналар үшін Алматы (айрық) деген бетті қараңыз.

“Алматы” — Алматыдағы қонақ үй ғимараты. 1967 ж. салынған. Сәулетшілері — И.А. Карташ, А.Я. Коссов, В.Г.Чиркин, Н.Н. Рипинский, инженер С.И. Қаламжаров (КСРО Министр кеңесінің сыйлығы 1974 ж.) 8 қабатты ғимарат иілген пластина сияқты жасалып, маңайындағы бульварлар мен гүлзарлар, алдындағы Опера және балет театры ғимаратымен әдемі жарасымдылық тапқан. “АЛМАТЫ” қонақ үйінің ғимараты 20 ғасырдың 70-жылдарындағы сәулет өнерінің озық үлгісі саналады. Бірыңғай көлденең жолақтар арасында биік қабаттағы терезелері, фасадқа үйлесіп, ауада қалқып тұрған сияқты жеңілдік береді. Қонақ үйде 540 орындық 280 бөлме, 250 орындық банкет залы, 1 қабатты мейрамхана бар.