Алтай қызғалдағы

Алтай қызғалдағы (лат. Tulipa altaica) – лалагүлдер тұқымдасының қызғалдақ туысының биологиялық түрі.

Алтай қызғалдағы
Ғылыми топтастыруы
Дүниесі: Өсімдіктер Бөлімі: Гүлді өсімдіктер Табы: Дара жарнақтылар Сабы: Liliales Тұқымдасы: Liliaceae Кіші тұқымдасы: Lilioideae Тегі: Tulipa Түрі: T. altaica
Екі-есімді атауы
Tulipa altaica Pall. ex Spreng.
Синонимдері
Tulipa gesneriana v. lutea Regel Tulipa didieri (Jordan.)

Алтай қызғалдағы

Таралуы

Алтайда, Қытайдың солтүстік-батысында кең таралған. Шоқырлардың тасты беткейлері мен далалы жерлерінде өседі.

Қазақстанда Зайсан, Алтай, Тарбағайдың флористикалық аудандарында кездеседі.

Сипаттамасы

Биіктігі 10-35 см ,пиязшығы жұмыртқа тәрізді,жуандығы 1-2 см,қоңыр,ішкі жағы түкті жұқа қабықты.

Сабағының жоғарғы жағы түкті,жапырақ саны - 3-4,әдетте қайырылған,алшақ орналасқан,жалаңаш немесе шамалы түкті,кірпікшелі,гүлден аспайды,төменгі жапырағы таспа тәрізді немесе сопақша,ені 1-4 см.

Гүлі біреу;гүл серігі сарғыш немесе сары, ұзындығы 2,5-5 см,үшкір,жасыл,қызғылт немесе күлгін,сопақша, ішкілері кері сопақша;аталықтары гүл серігінен 2-2,5 есе қысқа,жіптері жалаңаш,сары,тозаңдықтары сары,жіптерінен 1,5-2 ұзын,түйіні аталықтан шамалы қысқа,аналық ауызы орнықты дерлік ,қорапшасының ені 1,5-2 ұзындығы 2-4 см.

Сәуір - мамыр айларында гүлдейді.