Алтынай Бауыржанқызы Нөгербек
Алтынай Бауыржанқызы Нөгербек (26 қараша 1976 жылы Алматыда туған) – қазақстандық кино және театр актрисасы. Қазақстанның еңбек сіңірген қайраткері. Қазақстан жастар одағының «Серпер» сыйлығының лауреаты. ҚР Мемлекеттік степендиясының иегері.
| Алтынай Бауыржанқызы Нөгербек | ||
| Жалпы мағлұмат | ||
|---|---|---|
| Туған күні | ||
| Туған жері | ||
| Азаматтығы | ||
| Мамандығы | ||
| Белсенді жылдары |
1997 - осы уақытқа дейін | |
| Марапаттары |
 | |
Биография өңдеу
- 1976 жылы 26 қарашада Алматыда дүниеге келген.
- 1983-1993 жылдары Алматыдағы №12 қазақ орта мектебінде білім алған.
- 1993-1997 жылдары Т.Жүргенов атындағы Қазақ ұлттық өнер академиясы (бұрынғы Қазақ Мемлекеттік театр және кино институты)ның «Кино» факультетінің «Кино және театр әртісі» бөлімін Қазақстанның еңбек сіңірген қайраткері,Мемлекеттік сыйлықтың иегері, театр сыншы Ә.Сығай және Қазақстанның халық әртісі, мемлекеттік сыйлықтың иегері, профессор Т.Жаманқұовтың сыныбынан қызыл дипломмен үздік нәтежемен бітіріп шығады.
- 1997 жылдан бастап Астана қаласының Қ. Қуанышбаев атындағы Мемлекеттік академиялық қазақ музыкалық драма театрында еңбек жасап келеді.
Сахнадағы рөлдері өңдеу
М. Байджиев «Құдалар» – Әсел, Ғ. Мүсірепов «Қозы Көрпеш-Баян Сұлу» – Баян, Күнікей, «Қыз Жібек» – Айгөз, М. Әуезов «Қарагөз» – Қарагөз, «Абай» – Қарлығаш, «Айман-Шолпан» – Айманның тобындағы қыздардың бірі, Ш. Айтматов «Ана-Жер Ана» – Әлиман, «Ғасырдан да ұзақ күн» – Үкібала, С. Тұрғынбекұлы «Мұқағали» – Муза, Ж. Мольер «Скапеннің айласы» – Геацинта, «Баянсыз бақ» – Кора, Б. Ұзақов «Үміт» – Әлия, Дж. Патрик «Қымбатты Памела» – Глория, И. Штраус «Жұбайлар жұмбағы» – Амалия, М. Фриш «Дож Жуанның думаны» – Донна Эльвира, Ж.М. Шевре «Ізгілік формуласы» – Маривонн, У. Шекспир «Гамлет» – Гертруда, Ш.Мұртаза «Бір кем дүние» – Құртқа, С. Балғабаев «Ең жақсы еркек» – Гүлмайдан, Ә. Тарази «Үкілі жұлдыз» – Ри, Қ. Жүнісов «Сәкен-Сұңқар» – Гүлбахрам, Р. Отарбаев «Көлеңкесіз жолаушы» – Камила, С. Мұқанов, Ш. Уәлиханов «Шоқан» – Зейнеп, т.б.
Марапаттары өңдеу
- 2006 жылы Қазақстан жастар одағының «Серпер» сыйлығының лауреаты;
- 2006 жылы «Керемет» тәуелсіз сыйлығының «Үздік актриса» аталымы бойынша иегері.
- 2011 жылы елбасының жарлығымен «Қазақстанның еңбек сіңірген қайраткері» құрметті атағымен марапатталды.
- «Тұлпар» сыйлығының лауреаты;
- «Еуразиялық көпір» халықаралық кинофистивальінде «Ең үздік әйел рөлі» аталымы бойынша жүлдегері;
- ҚР тұңғыш президенті – елбасы Нұрсұлтан Әбішұлы Назарбаевтың жеке алғыс хатымен марапатталған.
- 2016 жылғы ҚР тұңғыш президенті – елбасының мәдениет пен өнер саласындағы президенттік степендияысының иегері.
Фильмографиясы өңдеу
Отбасы өңдеу
- Әкесі – кинотанушы, сыншы, профессор, Қазақстанның еңбек сіңірген қайраткері Бауыржан Рамазанұлы Нөгербек;
- Анасы – театртанушы, Әуезов театрында жұмыс жасаған.
- Жары – театртанушы, Біржан.
- Балалары – Ақан (ұлы 2000 жылғы); Қыздары Баян (2007ж) және Мариям (2016ж).