Альфонсо Гомес

Альфонсо Гомес
	Альфонсо Гомес
	Alfonso Gómez
Жалпы мағлұмат
Толық есімі	Alfonso Gómez
Азаматтығы	Мексика
Туған күні	28 қазан 1980 (44 жас)
Туған жері	Гвадалахара, Мексика
Тұрғылықты жері	Гвадалахара, Мексика
Салмағы	Бірінші орта салмақ (69,9 кг-ға дейін); Жартылайсалмақ (66,7 кг-ға дейін);
Тұрысы	Олақай
Бойы	175 см
Қолдың қарқыны	175 см
Кәсіби карьерасы
Алғашқы айқасы	19.05.2001
Соңғы айқасы	20.03.2015
Айқастар саны	33
Жеңгендер саны	25
Нокаутпен жеңгені	12
Жеңілгендер саны	6
Тең түскендері	2
us.goboxme.com

Альфонсо Гомес (Alfonso Gómez 28 қазан 1980 жылы, Гвадалахара, Мексика) — мексикалық кәсіпқой боксшы, бірінші орта (Light Middleweight) және жартылай орта (Welterweight) салмақ дәрежелерінде өнер көрсеткен. «Үміткер» реалити-шоуының қатысушыларының бірі, шоуда ол үшінші орын алған.

Кәсіпқой бокстағы мансабы

Әуесқой бокста Гомес 90 айқас өткізіп оның 80-ін жеңген, осыдан соң Альфонсо 2001 жылы кәсіпқой мансабын бастаған. Екінші айқасында америкалық дебютант боксшы Ише Смиттен жеңіліп қалады, содан кейін қазылардың әртекті шешімімен отандасы Джесси Сантосты жеңген. 2002 жылы наурызда Гомес отандасы Лебардо Романмен тең нәтижелі айқас өткізді. Осыдан кейін Гомес америкалық Думонт Уиллерды (12-1) және жеңілмеген мексикалық Майкл Сантосты (6-0) жеңген. 2003 жылы ақпанда Альфонсо Джесси Сантоспен тағы да қолғап түйістірді, осы айқаста Сантос Гоместы ұпаймен жеңіске жетіп, оны екінші жеңілісіне ұшыратты. Жеңілістен соң Гомес жеңіліс көрмеген америкалық, тегі мексикалық Хуан Карлос Амезуды (9-0) нокаутқа түсірді.