Аманбай күмбезі

Аманбай күмбезі - сәулет өнері ескерткіші. Бетпақдаланың солтүстік-шығысында Босаға өзенінің жағасында Тайатқан тауынан оңтүстік-шығысқа қарай 4 км жерде орналасқан. Аманбай күмбезі Ағыбай батырдың баласы Аманбайға арналып 1924 жылы салынған. Кесене бір бөлмелі күмбезді ғимарат түрінде шикі кірпіштен тұрғызылған. Сегіз қырлы іргесі сатылай өріліп шошақ күмбезге ұласады. Алдыңғы беті ерекше мәнермен қаланып,белдеулермен өрнектелген. Шеңбер түрінде жоспарланғанмен күмбезі ішкі жағынан сыртқы пішініне мүлде ұқсамайтын параболиктік әсер қалдырады. Кесененің іргелерін белдеулей бөлмеге өтетін арқалы ойықтар жасалған. Іші сыланбаған.