Амангелді Аршабайұлы Момышев

Амангелді Аршабайұлы Момышев (25.12.1943, Балықшы ауылы, Түлкібас ауданы, Түркістан облысы - мемлекет және қоғам қайраткері.

Өмірбаяны

Дулат тайпасының Жаныс руынан. Әкесі - Момышев Аршабай, мүғалім болған. Анасы -Момышева Ұлбала, үй шаруасымен айналысады. Жамбыл технологиялық жеңіл және тамақ өнеркәсібі институтының тамақ өнеркәсібі факультетін бітірген (1965), ет-сүт өнеркәсібі инженер-технологы. М.Х.Дулати атындағы Тараз мемлекеттік университетінің құрметті профессоры. ҚР Инженерлік академиясының мүше-корреспонденті. 1990 жылдан - Жамбыл спирт-арақ комбинаты фирмалық дүкенінің директоры. 1994 жылдан - «Қарахан» БК атқарушы директоры. 1997 жылдан - Жамбыл стандарттау, метрология және сертификаттау орталығының бөлім бастығы, директордың орынбасары. 1998 жылдан - «Интержүйе» ЖШС президенті. 1998 жылдан - Жамбыл облысы әкімі аппаратының аға референті. 1999 жылдан - Жамбыл облыстық инвестициялар және ЖЭК комитетінің төрағасы. 2000 жылдан - «Метрология» РМК директоры. 2003 жылдан - «Ұлттық сараптама және сертификаттау орталығы» Астана қалалық бөлімшесінің бастығы. 2004 жылдан - ҚР Индустрия және сауда министрлігінің Техникалық реттеу және метрология жөніндегі комитет терағасының орынбасары, «Нұр Отан» ХДП Жамбыл облыстық бөлімшесі төрағасының орынбасары. 2007 жылдан бері - ҚР Парламенті Мәжілісі 4-ші шақырылымының депутаты, Экономикалық реформа және өңірлік даму комитетінің мүшесі. «Құрмет» орденімен (2002) марапатталған.