Амангелді Талғатбекұлы Бахтинов

Амангелді Талғатбекұлы Бахтинов - артист. Ол 1980 жылғы 14 маусымда бұрынғы Семей облысы Көкпекті ауданы Биғаш ауылында дүниеге келген. 1998 жылдан бастап 2001 жылға дейін Мұқан Төлебаев атындағы Семей музыкалық колледжінің «Актер өнері» мамандығының «Драма актеры және көркемсөз шебері» біліктілігі бойынша оқыды.
2011 жылы Бибисары Бейшеналиева атындағы Қырғыз мемлекеттік өнер институтын «Драмалық театрдың режиссеры» мамандығының «Режиссура» біліктілігін бітірді. Өзінің еңбек жолын 1999 жылдан бастап «Дариға-ай» жастар театры» ЖШС театры актеры қызметінен бастады.
Оралхан Бөкей атындағы республикалық көркем сөз шеберлері конкурсының лауреаты (2 жүлдегер), 2004 жылы Халықаралық «Шабыт» фестиваліне қатысып, дипломант атанды.
2008 жылғы ақпан айынан бастап «Семей қаласы «Дариға-ай» жастар театры» КМҚК директоры болып тағайындалды.
Сахнада ойнаған негізгі рольдері:

• Д. Исабеков «Әпке» - Тимур;
  
• М. Шаханов «Танакөз» - Мұхтар;
  
• М. Хасенов «Пай, пай, жас жұбайлар-ай» - Қасым;
  
• Г. Горин «Ұмытыңдар Геростратты» - Клеон;
  
• А. Айтибаев «Алаш және Қайым Мұхаметханов» - А. Байтұрсынов;
  
• К. Тоқаев «Солдат кетті соғысқа» - Коршунов;
  
• М. Рахимжанов «Әміре – аяқталмаған ән» - Каширин.