Шоқай Амандықов

Амандықов Шоқай (1924 ж. т., Маңғыстау ауданы Ортаеспе ауылы – 2002) – партия, кеңес қызметкері. Ұлы Отан соғысына қатысқан. 1945 – 49 ж. аудан партия комитетінде хатшының көмекшісі, нұсқаушы, бөлім бастығы, 1949 – 58 ж. «Сталин жолы» газетінің редакторы, 1958 – 61 ж. Октябрьдің 40 жылдығы ұжымшарының төрағасы, 1967 – 82 ж. облысты қамтитын ауданаралық дайындау кеңесінің директоры болды. 2 мәрте «Даңқ» орденімен, «Ерлігі үшін», т.б. жауынгерлік медальдармен марапатталған.