Аманжолов Сәрсен көшесі (Алматы)

Көшеге қазақ тіл білімінің негізін қалаушылардың бірі, филология ғылымдарының докторы, профессор, Қазақстан ғылым академиясының корреспондент-мүшесі Сәрсен Аманжоловтың есімі (Алматы қаласы мәслихаты мен әкімшілігінің бірлескен 26.12.2003 № 5/767 шешімі) берілген. Аманжолов Сәрсен Аманжолұлы (1903- 1958) Шығыс Қазақстан облысы Ұлан ауданы Егінсу ауылында дүниеге келген. Оның қазақ тілінің грамматикасына арналған зерттеу еңбектері бүгінгі күн үшін де маңызды болып саналады.

Көше Медеу ауданында орналасқан. Бөгенбай батыр көшесінен басталып, Садовый көшесіне дейін созылып жатыр. Қабанбай батыр, Шевцева, Воронихина, Лазо көшелерімен қиылысады. Көшенің ұзындығы - 750 метр.