Аман Шоңбайұлы Молдыбаев

Аман Шоңбайұлы Молдыбаев – музыка маманы, Қазақстанның Еңбек сіңірген қайраткері.

Аман Шоңбайұлы Молдыбаев
Туған күні	1959 (1959)
Туған жері	Қазақстан, Жамбыл облысы, Жамбыл ауданы, Есентөбе ауылы
Азаматтығы	Қазақстан
Қызметі	музыка маманы
Жұбайы	Қосаева Салтанат
Балалары	3 бала
Марапаттары мен сыйлықтары	Қазақстанның Еңбек сіңірген қайраткері (2004).

Өмірбаяны

1959 жылы 2 қаңтарда Жамбыл облысы Жамбыл ауданы Есентөбе ауылында туған. Қазақ. Әкесі - Молдыбаев Шоңбай, кеңшардың парторгы болған. Анасы - Молдыбаева Жамал Қазбекқызы, зейнеткер.

Еңбек жолдары

• Құрманғазы атындағы Алматы мемлекеттік консерваториясының халық аспаптары факультетін бітірген (1989), оқытушы, солист.
• Тараз мемлекеттік педагогикалық институтының доценті (2005).
• «Аяла, сен мені» атты жинаққа кірген 10 күйдің, 40 өлеңнің; 10-нан астам мақаланың авторы. Қазақ және орыс тілдерін біледі.
• «Нұр Отан» ХДП мүшесі (2005 жылдан).
• 1989 жылдан - қалалық мәдениет бөлімінің фольклорлық ансамблінің жетекшісі (Тараз қ.).
• 1990 жылдан - Облыстық халық шығармашылығы және мәдени-ағарту жұмыстары ғылыми-әдістемелік орталығының ғылыми-әдістеме бөлімінің меңгерушісі (Жамбыл қ.).
• 1990 жылдың қыркүйек айынан - Д. Нұрпейісова атындағы балалар музыкалық мектебінің домбыра классы бойынша оқытушы (Жамбыл қ.).
• 1991 жылдан - Жамбыл қаласы мәдени-ағарту училищесінің дирижерлік жасау оқытушысы.
• 1992 жылдан - Технологиялық институттың мәдениеттану аға оқытушысы, доценттің міндетін атқарушы (2004 жылдан - Тараз мемлекеттік педагогикалық институты).
• 2005 жылдан - Тараз мемлекеттік педагогикалық институтының музыкалық білім беру кафедрасының доценті.
• 2005 жылдан бері - «Көне Тараз» халық-фольклорлық ансамблінің жетекшісі.
• Қазақстан Авторлық қоғамының (2003), Тараз мемлекеттік педагогикалық институтының кәсіподақ комитетінің мүшесі, мәдени-көпшілік жұмыстардың ұйымдастырушысы.

Марапаттары

• «Тараз мемлекеттік педагогикалық институтына 40 жыл» медалімен марапатталған (2007);
• ҚР Президентінің Алғыс хатымен ескерілген (2001).
• Қазақстанның Еңбек сіңірген қайраткері (2004).

Хоббиі - музыка, әдебиет, спорт.